جيت اقول إني أحبك شفت عينك استحيت !!

لا تقول اني ذكرت .. ولا تقـول انـي نسيـت
كيف يعني .. يذكرك انسان لحظـه مانسـاك

ادري إني صدق أحبك .. وادري إنك مادريـت
اني حتى ضد نفسي صـرت ياعمـري معـاك

لو اقول اشكثر أحبك ما تصدق لـو حكيـت
داااام حبي فـووق والله مستـواي ومستـواك

( كل حرف ٍ لك كتبت ) و ( كل حرف ٍ لي قريت )
( في شي ٍ من عناي ) و ( فيه شي ٍ من غـلاك )

في غيابك .. ياحبيبي ياكثـر ماقلـت لييـت
و يا كثر ما قييل عني في غيابـك وش بـلاك

مو مهم اللي جرى لي .. المهم إنك رضيـت
دام يزعلني زعلّك .. ودام يرضينـي رضـاك

انته دمع ٍ في عيوني .. ما بكيتـه لـو بكيـت
وانته كل اللي كتبته .. وانا بس اللـي قـراك

وانته درب ٍ من بديته فـي حياتـي مانتهيـت
وانته تعني لـي بهالدينـا نجاتـي والهـلاك

جيتك اتأسف حبيبي .. وأعترف انـي خطيـت
جيتك اسبق لهفة اشواقـي ويسبقنـي غـلاك

و انا مدري ( شلت قلبي لك ) بعد عمري وجييت
ولا ( قلبي شالني لك ) يا بعد عمـري وجـاك

جيت اقول ( إني أحبك ) شفت عينـك .. استحيـت
في عيونك قدرة الله .. واشهـد إن الله عطـاك

لا تقول إني ذكرت .. ولا تقـول إنـي نسيـت
دام قلبي ماذكـرك .. ودام قلبـي مانسـاك

مو مهم اللي جرى لي .. المهم إنك رضيـت
دام يزعلني زعلّك .. ودام يرضينـي رضـاك

صح لساااااانج

القصيده أكثر من روووعه

صح بدنج فديتج

عسااج ع القوهـ

صح السانج اختي

القصيده عجيبه

تسلم يدج

يعطيج الصحه و العافيه

صح لسانج

تسلمين حبوبه عالقصيده الرووووعه

ويعطيج العافيه

.. اختج ..
MAYNoOoNA 7eel

صح لسانج يالغاليه

صح بدنكم

والله يسلمكم ويعافيكم

عساكم عالقوه